Bringing you the latest information in the field of Technology and Research

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Authored by National Vidatha Network Writers

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Adapted from renowned international sources

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Educational blog for future generation of the nation

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Project of the Ministry of Science,Technology and Research, Sri Lanka

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

April 20, 2018

පුවත් පිළිබඳ තොරතුරු සැපයීමට ෆේස්බුක් මගින් නව මෙවලමක්

ෆේස්බුක් විසින් නව මෙවලමක් නිකුත් කර ඇති අතර එමගින් ෆේස්බුක් පරිශීලකයින්ට පුවත්පත් වාර්තාවන් සහ ප්‍රකාශකයින් ඇගයීමට ලක් කිරීම පහසු වනු ඇත.

ෆේස්බුක් හි මෙම නවතම තොරතුරු වාර්තා වෙනස්කම් එක්සත් ජනපදයේ සියලුම පරිශීලකයන් සඳහා පසුගිය අඟහරුවාදා සිට භාවිතා කිරීමේ පහසුකම ලබාදී තිබේ.

සමාජයීය ජනමාධ්‍ය සේවාවක් ලෙස ෆේස්බුක් පවසන්නේ මෙම මෙවලමේ අරමුණු කර ඇත්තේ "කියවීමට, විශ්වාස කිරීමට සහ බෙදාහදා ගැනීමට" සුදුසු පුවත්/වාර්තා/අදහස් තමන් විසින්ම තෝරා තීරණය කරගැනීමට ඒවායේ සන්දර්භය පිළිබද වැඩි තොරතුරු පරිශීලකයාට ලබාදීම බවයි.

අදාල පුවත විශ්වසනීයද යන්න තීරණය කිරීම සඳහා වඩාත් ප්‍රයෝජනවත් විය හැකි තොරතුරු වර්ග ලබාගැනීමේ අධ්‍යයනයක් මෙම මෙවලමට පාදක වි තිබේ. නිවැරදිව ප්‍රවෘත්ති මූලාශ්‍ර හඳුනාගැනීමට උපකාර කිරීම සඳහා ප්‍රකාශකයන් පිළිබද හැකි තරම් තොරතුරු පරිශීලකයාට ලබාදිය යුතු බව සමාගමේ  අදහසයි.

එක්සත් ජනපද පරිශීලකයන්ට දැන් News Feed කවුළුවේ විවෘත කළ හැකි “About This Article (මෙම ලිපිය පිළිබද)” යන බොත්තම ක්ලික් කළ හැකි අතර එවිට ෆේස්බුක් මගින් අදාල ප්‍රවෘත්ති ලිපිය සහ ප්‍රකාශකයා ගැන වැඩි විස්තර සපයයි.

උදාහරණයක් ලෙස ලිපියෙහි මූලාශ්‍රය පිළිබඳ මූලික තොරතුරු කියවීමට පරිශීලකයාට හැකි වේ. මෙම ප්‍රකාශකයා විකිපීඩියාවෙහි ලැයිස්තුගත කර ඇත්දැයි දැක ගත හැකිය. මිට අමතරව ප්‍රකාශකයා විසින් ප්‍රකාශයට පත් කරන ලද මෑත කාලීන සිදුවීම් දෙස බැලීමට පරිශීලකයින්ට පුළුවන් වන අතර එම ආයතනයේ/ප්‍රකාශකයාගේ Facebook page (ෆේස්බුක් පිටුව) ද බැලීමට හැකිවේ.

මෙම මෙවලම මගින් පරිශීලකයින් කොපමණ සංඛ්‍යාවක් අදාල පුවත ෆේස්බුක් වෙබ් අඩවියේ බෙදාහදා ගෙන ඇත්දැයි මෙන්ම ඒවා ඇති ස්ථානද හඳුනාගත හැකි අතර කුමන ෆේස්බුක් මිතුරන් විසින් බෙදා ගැනීම සිදු කර ඇත්දැයිද දැනගත හැකිවේ.

a diverse set of people and publishers ( ප්‍රකාශක සමුහයක විවිධාකාර පුද්ගලයින්)”ගේ  යෝජනා වලින් නව අංග නිර්මාණය කළ බව ෆේස්බුක් පවසයි. එම කණ්ඩායමට සමාගමේ ෆේස්බුක් මාධ්‍යවේදී ව්‍යාපෘතියේ අය ඇතුළත් විය. ෆේස්බුක් සහ ප්‍රවෘත්ති ප්‍රකාශකයින් අතර සබඳතා ශක්තිමත් කිරීමේ අරමුණින් එම ව්‍යාපෘතිය පසුගිය වසරේදී ආරම්භ කර තිබේ.

ෆේස්බුක් භාවිතා කරන්නන් පිරිසක් සමඟ පරීක්ෂණයක් ආරම්භ කරන බවද සමාගම  නිවේදනය කරන ලදී. ලිපියේ කර්තෘගේ නම මත ක්ලික් කිරීමෙන් පරීක්ෂණයට සම්බන්ධ වූවන් සඳහා වැඩි විස්තර ලබා ගැනීමට අවස්තාව ලබා දී තිබේ. කර්තෘ පිළිබඳව සපයන තොරතුරු ලිපිය සහ ප්‍රකාශකයන් පිළිබඳ ලබාදෙන තොරතුරු හා  සමාන වේ.  ෆේස්බුක් පවසන්නේ, කතුවරයා පිළිබඳ වැඩි විස්තර ඇති විට ලිපියක විශ්වසනීයත්වය පිළිබඳව තීරණය කිරීමට පහසු වනවාද යන්න සොයා බැලීමට එමගින් අපේක්ෂා කරන බවයි.

එය වෙනත් රටවල් වල ප්‍රවෘත්ති සංග්‍රහයන් පරීක්ෂා කරමින් පවතින බවත් නව මෙවලම භාවිතයේ ප්‍රගතිය මත අනාගතයේ දී එය ජ්‍යාතන්තර ලෙස දියත් කිරීමට සලකා බලන බවද  ෆේස්බුක් පවසා තිබේ.

අන්තර්ජාලය ඇසුරෙන් සකස්කළේ: හර්ෂ ලංකේශ්වර

දියවැඩියාවට Reflexology


විවිධ රෝග සුව කිරීමට ආදි කාලයේ සිට පැවත එන ස්වභාවික ප්‍රතිකර්ම ක්‍රමයකි.මෙය ඉතා කාර්යක්ෂම ක්‍රමයක් වන අතරreflex points අතේ සහ පාදයේ හදුනා ගත හැකිය.
දියවැඩියාව සදහා reflex points ඉතා වැදගත්ය.

ගංගා ධාරා සහ උදම් රළ වලින් බලශක්ති උත්පාදනය


ගංගා සහ උදම් රළ වලින් බලශක්ති උත්පාදනය සදහා නව තාක්ෂණය භාවිතා කිරීමට යොමුවි ඇති බව වාර්තා වේ. සමාගම් ගණනාවක් සුළඟ හා සූර්ය ශක්තිය යොදාගනිමින් බලශක්තිය නිපදවීමට යොමුවී ඇති මෙම වකවානුවේ ගංගා ධාරා සහ සමුදුරු ප්‍රවාහ භාවිතයෙන් බලශක්ති උත්පාදනයටද එක් සමාගමක් යුහුසුළු වි තිබේ.

සාගර පුනර්ජනනීය බලශක්ති සමාගමක් වන Ocean Renewable Power Company (ORPC) ලෙස හැඳින්වෙන මෙම සමාගම පිහිටා ඇත්තේ එක්සත් ජනපදයේ Maine ප්‍රාන්තයේය. වොෂින්ටනය නගරයේ මෑතකදී පැවති බලශක්ති සම්මේලනයේ දී ඒ සම්බන්ධ නව තාක්ෂණය මෙම සමාගම විසින් ඉදිරිපත් කර තිබේ.

බලශක්ති ප්‍රභවයන්ට පහසු ප්‍රවේශයක් නොමැති කුඩා ග්‍රාමීය ජනතාවට මෙම තාක්ෂණය නිර්මාණය කළ බව ORPC සමාගමේ සම නිර්මාතෘ සහ ප්‍රධාන විධායක නිලධාරියා වූ Christopher Sauer (ක්‍රිස්ටෝපර් සෝර්) පවසයි.

ORPC තාක්ෂණය යනු ජලය යට තැබිය හැකි පියවර ගණනාවකින් ක්‍රියාත්මකවන RivGen නම් බලශක්ති උත්පාදකයකි. පළමුව, ජනකය යකඩ කූඩුවක් තුලට (මැදට) දමනු ලැබේ. කූඩුව pontoon (පොන්ටූන්) නමින් හැඳින්වෙන පැතලි අඩියක් සහිත පුළුල් බෝට්ටුවක් ඉහළින් තබනු ලැබේ. උත්පාදකයේ (ජනකයේ) සෑම එක් පැත්තකටම රෝද, හෝ ටර්බයින (Wheels – or, turbines – ) ඈදා ඇත.

pontoon බෝට්ටුව එක් තැනකට සවි කළ පසු එය ජලයෙන් පුරවනු ලැබේ. කුඩුව, pontoonය සහ ජනකය යන සියල්ල ගංගා පතුලේ ගිල්වනු ලැබේ. එවිට ගංගා ධාරාව නිසා සිදුවන රෝද කරකැවීම මගින් කිලෝවොට් 50 ක බලශක්තියක්  නිර්මාණය වේ.

ප්‍රධාන විධායක ක්‍රිස්ටෝපර් සෝර් පවසන පරිදි මෙම උත්පාදක යන්ත්‍රය එතරම් උස නැත. එනිසා එය ඉතා ගැඹුරු නොවන ජල මුලාශ්‍ර ප්‍රදේශ වලද භාවිතා කළ හැකි අතර ගඟේ ජීවත්වන සතුන් සඳහාද ටර්බයිනය ආරක්ෂා සහිත වේ. උපරිම සැමන් මසුන් (salmon) ජනගහනයක් හෙවත් මසුන් දශලක්ෂ 2ක් පමණ පිහිනා ගිය කාලයේදී පවා මෙම උපකරණය මගින් කිසිදු මත්ස්‍යකුට ආපදාවක් සිදු නොවුණු බවද ඔහු ප්‍රකාශ කළේය. තාක්ෂණයෙහි තවත් අංගයක් වන "හරස් ප්‍රවාහ ටර්බයින් (crossflow turbines)" නිසා ගංගා ධාරාව කුමන දිශාවට ගලා ගියද ටර්බයින එක දිශාවකට පමණක් චලනය වේ.

“ටර්බයිනවල හැඩය නිසා සාගරයේ දිය ඇලි වලින්ද බලශක්තිය උත්පාදනය කළ හැකි අතර එවැනි ජනක TidGen ලෙස හැදින්වේ. TidGen කුඩා ගම්මානයකට අවශ්‍ය කිලෝවොට් 600 ක විදුලි බල ශක්තියක් නිපදවිමට සමත්” යැයිද සෝර් පවසයි.
 
මෙලෙස ORPC මගින් නිපදවන බලශක්තියේ වත්මන් මිල කිලෝවොට් පැයකට ශත 50 ක් පමණ වේ. එහෙත් එම මිල ගණන් ස්වාභාවික වායු මගින් නිපදවන බලශක්තිය සමග තරගකාරී නොවේ. කෙසේ වෙතත්, කුඩා ග්‍රාමීය ප්‍රජාවන් ගේ ඩීසල් බලශක්ති සඳහා පැයකට ඩොලර් 1 කට වඩා වැය විය හැකි බැවින් එවැනි අවස්ථාවන්හිදී, ගලා යන ජලයෙන් ශක්තිය ලබා ගැනීම වඩා ලාභදායී විය හැක.

අන්තර්ජාලය ඇසුරෙන් සකස්කළේ: හර්ෂ ලංකේශ්වර

හිස කෙස් වලට කෝමාරිකා


ගෙවත්තට ඔසු පැළයක් කෝමාරිකා Liliaceae කුලයට අයත් Alo Indica නමැති උද්භිත නාමයෙන් හඳුන්වන කෝමාරිකා ශාකය කුමාරිගෘහ කන්‍යාසෘතු කුමාරි,කුමාරිකා යන නම්වලින් ද හඳුන්වයි. කෝමාරිකා ශාකය ඇමරිකාවඅප්‍රිකාවඉන්දියාවපකිස්ථානය සහ ශ්‍රී ලංකාව වැනි ඌෂ්ණ කලාපීය ප්‍රදේශ ආශ්‍රිතව ඉතා සරුවට වැඩෙන ශාකයකි.
කටු සහිත දික් හැඩැති ඝනකම් පත්‍ර ඇති මෙම ශාකය පඳුරු වශයෙන් දක්නට හැකිය.ඉතා වටිනාකමක් සහිත මෙම ඖෂධය සෑම ගෙවත්තකම තිබිය යුතු මෙන්ම ඉතා පහසුවෙන් වැවිය හැකි ශාකයක් ලෙස හඳුනාගෙන තිබේ.    

April 19, 2018

පාද සම්භාවනයෙන් දියවැඩියාව පාලනය

දියවැඩියාව පාලනය කිරීමට පාද සම්භාවනය කරනු ලැබේ.මෙම ප්‍රතිකාර ක්‍රමය සදහා වසර 100ක පමණ ඉතිහාසයක් ඇත.මෙය ස්නායු ප්‍රතිකර්මයකි.
Reflexology  යනු අතුරැ ආබාධ රහිතව තමාටම තනිවම කලහැකි ප්‍රතිකර්මයකි.මෙය දියවැඩියාව පාලනයය කිරීම පමණක් නොව මුළු ශරීරයේම සෞඛ්‍යය රැක ගැනීමට ඉවහල් වේ.
රැධිරගත සීනී සාන්ද්‍රනයට හේතු වන්නේ කාබෝහයිඩ්‍රෙට් හෝ ග්ලූකෝස් වල පරිවෘත්තීය ක්‍රියාවල ගැටලුවකි.
මෙය අග්‍යනාශයේ අක්මාවේ හෝ ආමාශයේ ගැටලුවක් විය හැකිය.
කාබෝහයිඩ්‍රෙට් යනු  අප ගන්නා ආහාර වල ඇති ප්‍රධාන පෝෂ්‍ය පදාර්ථයකි.
කාබෝහයිඩ්‍රෙට් ජීර්ණය රැධිරයේ ග්ලුකොස් යාමනයට ප්‍රධාන ලෙස වැදගත් වේ.

දියවැඩියාවට පාද සමිභාවනය


පාද සම්භාවනයෙන් අන්තර්සර්ත ග්‍රන්ථි  උත්තේජනය

දියවැඩියාව පාලනය කිරීමට පාද සම්භාවනය කරනු ලැබේ.මෙම ප්‍රතිකාර ක්‍රමය සදහා වසර 100ක පමණ ඉතිහාසයක් ඇත.මෙය ස්නායු ප්‍රතිකර්මයකි.
Reflexology  යනු අතුරැ ආබාධ රහිතව තමාටම තනිවම කලහැකි ප්‍රතිකර්මයකි.මෙය දියවැඩියාව පාලනයය කිරීම පමණක් නොව මුළු ශරීරයේම සෞඛ්‍යය රැක ගැනීමට ඉවහල් වේ.
රැධිරගත සීනී සාන්ද්‍රනයට හේතු වන්නේ කාබෝහයිඩ්‍රෙට් හෝ ග්ලූකෝස් වල පරිවෘත්තීය ක්‍රියාවල ගැටලුවකි.
මෙය අග්‍යනාශයේ අක්මාවේ හෝ ආමාශයේ ගැටලුවක් විය හැකිය.
පාද සම්භාවනය කර අන්තරාසර්ග ග්‍රන්ථි උත්තේජනය කිරීම මගින් රැධිරයේ සීනි මට්ටම පාලනය කර ගත හැකිය.

දුම්බර කදු වැටිය හා අෙප් උරුමයන්

ස්වාභාවික සම්පත් වලින් පිරි රටක් ලෙස විශ්ව කීරතියට පත් ශ්‍රි ලංකාෙව් ස්වාභාවික වනාන්තර අපට මහඟු සම්පතකි. භූගෝලීය පිහිටීමත් දේශගුණය අනුව වනාන්තර වරග 5කි. ඒනම්
·         පහතරට තෙත් සදාහරිත වනාන්තර
·         කදුකර සදාහරිත වනාන්තර
·         වියළි මිශ්‍ර වනාන්තර
·         කටු පදුරු සහිත ලදු කැළැ
·         පතන සහ තලාව
මෙම වනාන්තර මඟින් සිදුකරන කාර්යභාරය ඉතා විශාල වන අතර දුම්බර කදුවැටිය සහ ඒහි සේවය විස්තර කරමු. මෙහි නකල්ස් කදුවැටියෙ වනාන්තර වරග කිහිපයක් තිබේ. ඒනම්
·         කදුකර වනාන්තර
·         උපකදුකර වනාන්තර
·         අරධ සදාහරිත වනාන්තර
·         කනල්ස් කදුවැටියෙ උස අඩි 3000 ට වැඩිය
·         උෂ්ණත්වය 26-21 දක්වා වන අතර 18.5 උසම ස්ථානවල වෙ.
තෙතමනය 50% -100% අතර අගයක් ගැනීම

මෙලෙස පුළුල් පරාසයක දේශගුණික විපර්යාස ඇති බැවින් ෙජෙව විවිධත්වය විශාලය.නිතරම මිනිස් ක්‍රියාකාරකම් වලට හසුවන බැවින් ඒනම් හෙන් වගාව, ගිනි තැබීම් වලට හසුවන බැවින් ස්වාභාවික වෘක්ෂලතා වර්ග කිහිපයක්ද නකල්ස් වනාන්තරයේ ඇත. ඒනම්
·         තෙත් පතන තෘණ භුමි
·         වියළි පතන තෘණ භුමි
·         වගා තෘණ භුමි
මීට අමතරව ලදු කැළැ, ගෙවතුද දක්නට ලැබෙ.කෘෂිකාර්මික ඉඩම් හා වනවගා (ෆයිනස්,යූකැලිප්ටස්) ෙමම වනාන්තර ශාකතුල 141කට අයත් සපුෂ්පක ශාක විශේෂ 1033 දක්නට අැත. ඒයින් 160ක් සපුෂ්පක ශාකවෙ. ලංකාවෙ මුළු භුමි ප්‍රමාණයෙන් 0.5% නකල්ස් වනාන්තරටට අැත. දිවයිනේ දක්නට ලැබෙන සපුෂ්පික ශාක විශේෂ අතරින් 3/1ක් ම නකල්ස් තුල හමුවේ. ඊට අමතරව එහි දීලීර, අක්මා ශාක පරිණාංග ලයිකණ වැනි පහතරට ශාක විශේෂ රැසක්ද අැත.
උදේ හා රාත්‍රී කාලවල ඝන මීදුමින් වැසි අැත. විශාල වශයෙන් අතු බෙදුනු අැඹරුණු ශාක කදුකර වනාන්තර වලට ලක්ෂණයක් වේ. අවුරුද්ද පුරා දැඩි සුළඟ අැති බැවින් ශාක ඒ් සඳහා අනුවර්තනය වී උස සීමා වී අැත. ඒබැවින් ෙමම වනාන්තර “පිග්මී” වනාන්තර ලෙසද හදුන්වයි.
කදුකර වනාන්තර මුලික ජල පොෂක හා ජලාධාර ප්‍රදෙශ ලෙස වැදගත් මෙහෙයක් ඉටුකරයි. වනාන්තරයෙ වියන ස්ථරය ඉතා ඝනව වැඩී අැති බැවින් බිම් ස්ථරයෙ ශාක ඉතා අඩුවෙන් අැති අතර තැනින් තැන කාෂිටීය අරෝහක දක්නට ලැබේ. වනාන්තරයෙ විශාල සත්ව විවිධත්ව ද අැත.
වනාන්තරය තුල වසර පුරාම ජලය ගලාබසින දිය දහරා බහුලව පිහිටා තිබේ. වනාන්තරය තුල ෙජෙව විවිධත්වය තීරණ කරනු ලබන ප්‍රධාන සාධකය ජලය වේ. තෘණ භුමි පිහිටා අැති අතර ඒ්වා නිතර ගින්නට හසුවේ. ඉන්පසු අැතිවන දළු අාහාරයට ගැනීමට සතුන් පුරුදු වී අැත.
ලදු කැළැ වනාන්තර අවශ්‍ය අැති අතර සවානා තෘණ බිම් කාලයක් ලැව්ගිණි අැති නොවීම හේතුකොට ගෙන ලදු කැළැ බවට පත්ව අැත. ෙමම ලදු කැළැ සතුන් සඳහා වාසස්ථාන වන අතර අාරක්ෂාව තහවුරුකර ගතහැකි ස්ථානයකි.
ෙගවතු මේ අාශ්‍රිත පවතින අතර මිනිසුන් විසින් තම අවශ්‍යතා ඉෂ්ඨ කිරිමට වගාකර අැත. කොස්,දෙල්,තේක්ක,අඹ,අලිගැටපෙර,පොල්,කිතුල්,අලවර්ග, පළතුරු වර්ග, එළවළු ,ඔෟෂධ වර්ග අැති අතර වනාන්තර අාරක්ෂාකර ගැනීම සම්බන්ධව විශාල කාරයක් ඉටුකරයි.

කෘෂිකාරමික ඉඩම්
මෙහි තේ වගාව සරුවටම කර අැති අතර වී ගොවිතැන බෑවුම්වල සිදු කරයි. හෙන් ගොවිතැනද මෙහි දක්නට අැත. එළවළු වගාවද මෙහි නිවාස අාශ්‍රිතව බහුලව පවති.
නකල්ස් වනාන්තර ෙජෙව විවිධත්වයට සතුන්ගෙන් ලැබෙන දායකත්වය අති විශාලය. මකුළු වර්ග විශාල සංඛ්‍යාවක් අැති අතර කෘමීන්, ගොළුබෙල්ලන්,සමනලුන් වර්ග 60ක් පමණ ද අැත. පෘෂ්ඨ  247 පමණ වනාන්තරයෙ ජීවත් වන අතර 28% ශ්‍රී ලංකාවට අාවේනික වේ. ඒමෙන්ම වනාන්තරය තුල දිය පහරවල් වල මිරිදිය මත්ස්‍ය විශේෂ 25ක් පමණ වේ. උභය ජීවින් විශේෂ 23න් 17ක්ම මෙහි අැති අතර ක්ෂිරපායි විශේෂ 31 ජිවත් වේ. ෙජෙව විවිධත්වයක් අැති නකල්ස් වනාන්තරය අපි අාරක්ෂා කර ගනිමු.


අපිරිසිදු ජලයෙන් ආසනික් ඉවත් කරන පාසි වර්ගයක්


ප්ලාස්ටික් ආහාරයට ගන්නා බැක්ටීරියා සිට තෙල් ගිලීමේ බැක්ටීරියාව දක්වා වන නව සොයාගැනීම් මගින් නිර්මාණය වූ පරිසරය සුරැකීම සඳහා ස්වභාව ධර්මයේ නව ක්‍රම අපව පුදුමයට පත් කරන බව පෙනේ. දැන්, ආසනික් අඩංගු ජලය පවිත්‍ර කර බීමට සුදුසු පිරිසිදු වතුර ලබාදීමට හැකියාවක් ඇති පාසි වර්ගයක් සොයා ගැනීමට විද්‍යාඥයන් සමත් වි ඇත.

Warnstofia fuitans යනු ස්වීඩනයට ආවේනික වූ ස්වදේශීය පාසි වර්ගයකි. Phytofiltration නමින් හැදින්වෙන ක්‍රියාවලියක් මගින්  අපවිත්‍ර ජලයේ ඇති ආසනික් 82% ක ප්‍රමාණයක් ඉවත් කිරීමට සමත් වූ Stockholm විශ්ව විද්‍යාලයේ පරීක්ෂකයෝ ජලයේ ඇති බර ලෝහ ඉවත් කිරීමට Warnstofia fuitans පාසි වර්ගයට ඇති හැකියාව හඳුනාගෙන ඇති බව වාර්තා වේ.

 “අපේ අත්හදා බැලීම්වලට අනුව මෙම පාසි වර්ගයට ආසනික් ඉවත් කිරීම සඳහා අධික ධාරිතාවක් තිබෙනවා” යැයි පර්යේෂණ සහකාර Arifin Sandhi (අරිෆින් සන්ධි) පවසයි. මෙම ක්‍රියාවලිය සඳහා පැය 1 කට වැඩි කාලයක් ගත නොවේ. ජලයේ හානි කර තත්වය නැති කිරීමේ මට්ටම දක්වා arsenide (ආසනයිඩ්) සහ arsenate (ආසනෙට්) යන දෙවර්ගයම ඉවත් කිරීමට මෙම කාලය ප්‍රමාණවත් බවද ඔහු පවසයි.

සජීවී සහ මියගිය යන අවස්ථා දෙකේදීම මෙම පාසි වර්ගය ක්‍රියාකාරී වන ලෙස පර්යේෂණ මෙහෙයවා තිබේ. ජලයේ ආසනික් ඉවත් කිරීමට හැකි පරිසර හිතකාමී ක්‍රමයක් ලෙස මෙය හැදින්විය හැකි අතර මෙම පාසි සාමාන්‍ය හා අසාමාන්‍ය ලෙස ලොහාලෝහ මට්ටම් පවත්නා දිය ඇලි සහ අනෙකුත් ජල මාර්ගවල වගා කළ හැකිය. අධ්‍යයනයේ ප්‍රතිපල වාර්තාවට අනුව ජලීය පාසි (Warnstofia fuitans) ආසනික් වලින් අපවිත්‍ර වි ඇති ජලය 82% ක්  පැයක් ඇතුළත පිරිසිඳු කරයි.

වසර 1000 කට වඩා පැරණි පතල් සහ ලෝහ පිරිපහදු කිරීම පිළිබඳ ඉතිහාසයකට ස්වීඩනය හිමිකම් කියයි. ලී නිෂ්පාදනවලදී  ආසනික් සංයෝග භාවිතා කිරීම 2004 දී තහනම් කරන ලද නමුත් පතල් කර්මාන්තය හේතුවෙන් ලෝහ තවමත් භූගත ජලය හා ජල පද්ධති වෙත ළඟා වන බව පර්යේෂකයෝ ප්‍රකාශ කරති. එපමණක් නොව ආසනික් ස්වාභාවිකව සෑදෙන මූලද්‍රව්‍යයක් වන අතර එහි ස්වාභාවික තත්වය සමහර භුමි ප්‍රදේශ වල සහ ස්කැන්ඩිනේවියානු රටේ යටි පාෂාණ වල දක්නට ලැබේ. මේ හේතුවෙන් බෝගවගාවල වාරිමාර්ග සඳහා යොදා ගන්නා ජලයේ සහ පානිය ජලයේ ආසනික් ඉහළ මට්ටමක පවතී. ශාක පසෙහි ඇති  ආසනික් අවශෝෂණය කරන බැවින් එය අවසානයේ තිරිඟු, එළවළු සහ කොළ වැනි හරිත ආහාර වල ඇතුලත් වේ.

එනිසා "අප ශරීර ගත වන  ආසනික් ප්‍රමාණය අප ආහාරයට ගන්නා ආහාර ප්‍රමාණය මත රඳා පවතියි.”යැයි පර්යේෂක Maria Greger (මරියා ග්රෙගර්) පවසයි.

පාරිසරික දූෂණය පිළිබද ඔවුන්ගේ කාර්යය ප්‍රකාශයට පත් කරමින් පානීය හෝ වාරිමාර්ග ජලය සඳහා ජලය යොදා ගැනීමට පෙර ආසනික් පෙරාදනය කිරීම හා සම්බන්ධ “plant-based wetland system (ශාක පදනම් වූ තෙත්බිම් පද්ධතිය)" ක් ඔවුන් සංවර්ධනය කරන බව සදහන් කර ඇත.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර

April 18, 2018

දත් පිරවුම් හා මුල් ඇලවුම් වෙනුවට නව ජීව විද්‍යාත්මක දන්ත නිෂ්පාදනයක්

සුළු කනස්සල්ලට හා භීතියට හේතු වන ක්‍රියා ලෙස දත් පිරවීම හෝ මුල් ඇළවීම (Fillings And Root Canals) සාමාන්‍යයෙන් සළකනු ලැබේ. බොහෝ අය දත් පිරවීම හෝ මුල් ඇළවීම යන ප්‍රතිකාර වලට අකමැති නිසා දන්ත රෝගවලට ප්‍රතිකාර ගැනීමෙන් වලකින බව වාර්තා වි තිබේ. මේ නිසා 25% ක් පමණ වැඩිහිටියන්ගේ  දිරාපත්වන දත් සදහා ප්‍රතිකාර නොකෙරේ. එහෙත් මෙම අපහසුතා ගෙනෙන දන්ත වෛද්‍ය ප්‍රතිකාර ක්‍රමය ඉතා ඉක්මණින් වෙනස් වීමට නියමිත බව පැවසේ. වොෂිංටන් විශ්ව විද්‍යාලයේ පර්යේෂකයින් විසින් මෙවැනි දන්ත ශල්‍යකර්ම නොමැතිව දත් එනැමල්වලට ප්‍රතිකාර කළ හැකි පහසු නිෂ්පාදනයක් නිර්මාණය කර ඇත.

 මෙම සොයාගැනීම පිළිබද වාර්තාවක් ACS Biomaterials Science and Engineering සඟරාවේ ප්‍රකාශයට පත් කරන් ලදුව මෙම ක්‍රියාවලිය remineralization (ප්‍රතිමිලීකරණය කිරීම) ලෙස හඳුන්වාදී තිබේ. වර්තමාන දන්ත ශල්‍යකර්ම සඳහා නිරෝගී විකල්පයක් ලෙස peptides (අමිනෝ අම්ල විශේෂයක්) මගින් මෙහෙයවන ප්‍රතිමිලිකරණය හදුන්වාදිය හැකි බව පර්යේෂණයේ ප්‍රධාන විද්‍යා ලේඛක,  ද්‍රව්‍ය විද්‍යාව හා ඉංජිනේරු විද්‍යාව පිළිබඳ මහාචාර්යවරයෙකු හා UW හි  මුඛ සෞඛ්‍ය විද්‍යා ආයතනයේ රසායන ඉංජිනේරු දෙපාර්තමේන්තුවෙහි අනුබද්ධ මහාචාර්යවරයකු වූ Mehmet Sarikaya (මෙහෙම්ට් සරිකායා) ප්‍රකාශ කරයි.

ශරීරයේ ස්වභාවිකව නිෂ්පාදනය කරන එනමල්-ගොඩනැගීමේ ප්‍රෝටීන සමූහයක (amelogenins) අනුප්රාණය මෙම කණ්ඩායම විසින් ලබා ගෙන එම amelogenin වලින් ව්‍යූත්පන්න වූ අමිනෝ අම්ල සංයෝගය වර්ධනය කර තිබේ. දත්වල  එනමලය ශක්තිමත් කිරීමට සහ දෘඩ බව ඇතිකිරීම සඳහා අවශ්‍ය ඛනිජ නිපදවීම සඳහා මෙම කෙටි දාම සහිත අමිනෝ අම්ල සංයෝගය (peptide)  එනම් නව නිෂ්පාදනයේ විශේෂ අමුද්‍රව්‍ය ප්‍රධාන වේ.  

මෙම peptides දත් මතුපිටට බැදෙන බව සනාථ කර ඇති අතර කැල්සියම් සහ ෆොස්ෆේට් අයන සම්බන්ද කර ගනු ලබන බවද පර්යේෂණයේ සම කතෘ UW හි ආචාර්ය උපාධි අපේක්ෂක Deniz Yucesoy ප්‍රකාශ කරයි.

Peptide සංයෝගයෙහි එක් යෙදුමක් මගින් නව එනමල් 10 ත් 50 ත් අතර ප්‍රමාණයක් නිපදවා ඇත. එය ෆ්ලෝරයිඩ් පමණක් සහ ෆ්ලෝරයිඩ්-පෙප්ටයිඩ් සංයුක්ත සංයෝග දෙකටම වඩා වැඩි වැඩිදියුණු තත්වයක් බව පරීක්ෂණ වලින් සනාථ වි තිබේ. මෙම නිෂ්පාදනය සම්පූර්ණයෙන්ම ස්වභාවික මෙන්ම වැඩිහිටියන් හා ළමුන් සදහා භාවිතා කිරීම ආරක්ෂිත යැයි පර්යේෂකයෝ පවසති.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර 

ප්ලාස්ටික් ආහාරයට ගන්නා එන්සයිමයක්


ප්ලාස්ටික් ආහාරයට ගන්නා එන්සයිමයක් සොයා ගැනීමට විද්‍යාඥයින් සමත් වි ඇති බව වාර්තා වේ. මීට වසර දෙකකට ඉහතදී පර්යේෂකයන් විසින් ජපන් කසළ තොගයක් තුළ විකාශනය වූ ප්ලාස්ටික් ආහාරයට ගන්නා විකෘති වූ බැක්ටීරියාවක් හදුනාගන්නා ලදී. මෙම බැක්ටීරියාවගේ සුපිරි බලයේ ශක්‍යතාවන් පිළිබද අධ්‍යයනයේ යෙදී සිටියදි විද්‍යාඥයින් විසින් පරිසර දුෂණයේ ප්‍රධාන කොටස්කරුවකු වන ප්ලාස්ටික් ජීර්ණය කිරීමට හැකි වන එන්සයිමයක් අහඹු ලෙස හඳුනාගෙන ඇත. වඩාත් කාර්යක්ෂම ලෙස ප්ලාස්ටික් ජීර්ණය කිරීමට එම එන්සයිමයට හැකි බවද වාර්තා වේ.

වසර සිය ගණනක් තිස්සේ දිරා යාමෙන් තොරව පරිසරයේ රැඳී තිබෙන, සෑම වසරකම ලොව පුරා සාගරයන් වෙත ඒකරාශී වන ටොන් මිලියන ගණනක ප්ලාස්ටික් ගැටලුව විසඳීමට මෙම සුවිශේෂී එන්සයිමය අනාගතයේදී භාවිතා කළ හැකි බව පර්යේෂකයෝ පවසති.

1960 ගණන් වලදී ප්ලාස්ටික් භාවිතය ජනප්‍රිය වීම නිසා  ප්ලාස්ටික් අපද්‍රව්‍ය පැල්ලම් සාගරවල පාවෙන බව හෝ බොහෝකලක් මනරම්ව පිහිටි මුහුදු වෙරළ දුෂණය වන බව පෙරදී අවබෝධ කර ගත පිරිස ඉතා සුළු යැයි Portsmouth (පෝර්ට්ස්මත්) විශ්වවිද්‍යාලයේ ජීව විද්‍යා හා ජෛව වෛද්‍ය විද්‍යා  ආයතනයේ අධ්‍යක්ෂක මහාචාර්ය John McGeehan (ජෝන් මැක්ජීහීන්) පවසයි. පෝර්ට්ස්මාට් සහ එක්සත් ජනපදයේ ජාතික පුනර්ජනනීය බලශක්ති රසායනාගාරයේ පර්යේෂකයින් සැබවින්ම ජපන් බැක්ටීරියාගේ එන්සයිමයේ ව්‍යුහය පරීක්ෂා කර බැලූහ. එහෙත් ඔවුහු අනපේක්ෂිත ලෙස ප්ලාස්ටික් බිඳ දැමීමට වඩාත් හොඳ හැකියාවක් සහිත එන්සයිමයක් නිර්මාණය කළෝය. කෙසේවෙතත් "මූලික වශයෙන් විද්‍යාත්මක පර්යේෂණවලදී ඥානය බොහෝ විට වැදගත් කාර්යභාරයක් ඉටු කර ඇති අතර අපගේ සොයාගැනීම මෙහි ව්‍යතිරේකයක් නොවේ" යනුවෙන් මහාචාර්ය මැක්ජීහාන් පැවසීය.

Ideonella sakaiensis (අයිඩොනෙල්ලා සකායිසිස්) 201-F6 ලෙස හඳුන්වන එන්සයිම, ප්ලාස්ටික් බීම බෝතල් හා ආහාර ඇසුරුම් සෑදීම සඳහා නිතිපතා භාවිතා කරන දිරාපත් කිරීමට ඉතා අපහසු ප්ලාස්ටික් ආකාරයක් වන පොලිඑතිලීන් ටෙරෙෆ්ටේලේට් (PET) ඵලදායී ලෙස බිඳ දැමීමට සමත් වේ. වීදුරු බියර් බෝතල් වෙනුවට භාවිතාවෙන ප්ලාස්ටික් සදහා යොදා ගන්නා පොදු සංයෝගයක් වූ PET ප්ලාස්ටික් සඳහා පොදු ආදේශකයක් වන polyethylene furandicarboxylate (PEF/ පොලිඑතිලීන් ෆුරැන්ඩිකාබොක්සිලේට්) ද මෙම එන්සයිමය ආහාරයට ගනියි.

මෙම එන්සයිම නිපදවීම, වර්තමානයේ ජෛව සේදුම්කාරක යොදා ගන්නා එන්සයිම සහ ජෛව ඉන්ධන නිෂ්පාදනය කිරීම සඳහා වූ නිෂ්පාදන ක්‍රියාවලියට බොහෝසෙයින් සමාන බවද මහාචාර්ය මැක්ජීහාන් පවසා තිබේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර
https://youtu.be/fQa6as8fhoo?t=16